تراجع إلى الخلف   صحاري الإمارات > الصحاري الأدبية و التراثية > صحاري الماضي وصدى التراث


عربي | English | Dutch | Français | Russian | Spanish | Chinese | Italian | Hindi | Japanese | Korean | Czech

آخر المشاركات المطروحة في صحاري الإمارات .
المؤشر الصناعي الصيني فجر اليوم 30/9/2014 من forex...  آخر رد: fxyard    <::>    حقق الانتشار ومزيد من العملاء مع الديلر  آخر رد: الثقة الفائزة    <::>    مؤشر اسعار المستهلكين الالماني 29/9/2014 من forexy...  آخر رد: fxyard    <::>    البيانات الاقتصادية 28/9/2014 من forexyard  آخر رد: fxyard    <::>    توفير قبولات في بريطانيا  آخر رد: الثقة الفائزة    <::>    السياحة في الشمال التركي طرابزون اوزونجول  آخر رد: حافية القدمين    <::>    مشكلتى مع تكيفى وحلها  آخر رد: المستقبل المشرق    <::>    قراءة الناتج الاجمالي الامريكي 26/9/2014 من forexy...  آخر رد: fxyard    <::>    احصل على عملاء جدد مجانا مع الديلر  آخر رد: الثقة الفائزة    <::>    برنامج محاسبة بسيط  آخر رد: الثقة الفائزة    <::>    الجدول الزمني لدورات السلامة لمعهد الثقة  آخر رد: الثقة الفائزة    <::>    الحكمة من شق صدر النبى صلى الله عليه وسلم  آخر رد: الداليا    <::>    الانظار نحو طلبات السلع المعمرة 25/9/2014 من forex...  آخر رد: fxyard    <::>    لا تملك حساب تداول فوركس حتى الان؟  آخر رد: عبدالله سعودي    <::>    الانظار اليوم نحو مؤشر الايفو الالماني 24/9/2014 م...  آخر رد: fxyard    <::>   


(View-All الأعضاء الذين شاهدوا الموضوع هم : 0
لا توجد اسماء للعرض.
اضافة رد
 
أدوات الموضوع

  #1  
قديمة 01-01-2007, 07:08 PM
بنت البدو بنت البدو غير متواجد حاليآ بالمنتدى
عضو فضي
 
تاريخ الإنضمام: 21-06-2006
المشاركات: 550
قوة السمعة: 17134
بنت البدو has a reputation beyond reputeبنت البدو has a reputation beyond reputeبنت البدو has a reputation beyond reputeبنت البدو has a reputation beyond reputeبنت البدو has a reputation beyond reputeبنت البدو has a reputation beyond reputeبنت البدو has a reputation beyond reputeبنت البدو has a reputation beyond reputeبنت البدو has a reputation beyond reputeبنت البدو has a reputation beyond reputeبنت البدو has a reputation beyond repute
Question اغانـــــــــــي ميحــــد حمـــــــــــد ^_^

][][ اغاني ميحد حمد ][][

موضوع ممتا موضوع ممتا موضوع ممتا موضوع ممتا موضوع ممتا موضوع ممتا موضوع ممتا موضوع ممتا موضوع ممتا

وين القمر يا سعيـد
مـا بيـن بالسفـر

شوف الظلام ايزيـد
من حولـي والخطـر

ويـن الـذي اريـد
لي خذ قلبي او اسـر

مازال وصلـه ابعيـد
ما يا ابراس الشهـر

بينـي اوبينـه بيـد
اوعالي اجبال اوبحر

مر الفرقـى شديـد
اولي بي ادهى او امر

سيدي وسيـد الغيـد
في معركتـه انتصـر

قيـدنـي بالحـديـد
اوبتعذيـبـي امــر

عسن صبري ايفيـد
الله مع مـن صبـر

ياسعيد عندي العيـد
شوف الظبي العفـر




لو تفرق بيننا سود الليالي لو يحول الدهر وصروف السنينا
لا حشا منساك لو طال المطالي ف الحشا مطبوع رسمك يالضنينا

انته عمري يالغلى من كل غالي وانت شوقي يامنا قلبي الحزينا
العمر يفداك مع حالي ومالي في هواك يهون كل صعب مهينا

لو جفوني الناس واقرب الاهالي ماستمع قول الحسود الواشينا
حيث قصرك فالحشا شامخ وعالي ساكن ودك بقلبي مستكينا

ياغناتي ياشقا قلبي وحالي يادوايه وبلسم الجرح الدفينا
ياغزال مرتعه روس المفالي ياقمر وضاح في نوره يبينا

عالوفا باقي وعنك هوبسالي لك عهد والعهد عندي مايشينا
لاتظن انساك يالغالي محالي لين روحي والعمر عندي يحينا

لين جسمي يندفن تحت الرمالي وارتحل من دنيتي واصبح دفينا
لك سلامي يالضنا ختم المقالي عد ما نسنس هوا الغربي زفينا



كم عنيت وجيت متوله
مقصدي ياشيخ روياكم
ما حصل لي حده في الحله
يخبرنيه وين سكناكم
باعني لو كنت ما دله
ما اتحمل طول فرقاكم
ليت عندي رقم بسجله
تيلفون اقراه وانصاكم
يا اديب العصر لك حله
ما حلت داري ابلياكم
لك محل بالقلب ما خله
من قبلكم حد شرواكم
كم فضل كم جود لك كله
ما نسينا طيب حسناكم
من معادن جود واهل له
لا خلينا من مزاياكم
انتم اهل له وفضل له
الصخا من يوم منشاكم
لو يطول البحث ما مله
في الادب والشعر هوياكم
كم قول قلت في حله
من معاني الشعر يعناكم
انتم اهل الدار والحله
كم حوت من خير دنياكم
ذا يواب امحب متوله
يملكه الاحسان لي ياكم
يشكر الله ثم شكر له
مثلما قبله شكرناكم



قريت الحب في مقلة عيونك
وعيني فسرت قصد انظراتك
وغضيت انظرات العين دونك
مخافة تكشف النظرة عداتك
اذا شكوا بحبي يزعجونك
وانا ما ود تتعكر صفاتك
خفوقي هام في لجة فتونك
وطبعت المتيم في حلاتك
قمر خمسة عشر لونه ولونك
تشابه بس جذابه شفاتك
اذا تنطق باسمي قلت عونك
اريح القلب نغمات اكلماتك
اشوف العمر ليس العمر دونك
وتحيا الروح من ريح انسماتك
غروب الشمس في عالي جفونك
ولون الورد من لون اوجناتك



تمنيتك اتشوف الجرح الاول
قبل تجرح فؤادي جرح ثاني
غيابك عن عيوني ليه طول
وانا اعد الدقايق والثواني
حبيبي من نظر حالي تهول
ولا ركز علي اترك مكاني
الاول ليه بغيابك اتحول
وقلبك ليه يا عمرى نساني
تجول حبك بقلبي تجول
سري بعروق قلبي وبكياني
علي عهد معاك القلب مول
سنين العمر باخلاص وتفاني
عقب عزه معاك الحظ معاك حول
شكيت الحال من قسوة زماني
الى شفتك ابا اشرحلك من الاول
عن ظروفي وعن خافي حناني
علي شاشة عيوني اللي زول
خيالك ما عطي عيني الظماني
تمنيتك اتشوف الجرح الاول
قبل تجرح فؤادي جرح ثاني



بعدك عذاب او قربك اعذاب
ونته سبب ياللي حصل لي
اهاب لوني قلت ماهاب
متهوب وانته ابتجلي
ماسرت لك في الحب باحساب
ابدا ولا سرته بمهلي
بالدوب تمشي على داب
وانا لك امشي بالعجلي
امعاكساتك لي بلا اسباب
ماادري دلع والا تغلي
مسموح لو بتدوس العتاب
لو با بتزيد ما بملي
لك العمر بتقضى في اطلاب
اطلب رضاك وبستذلي
لو با اتغلج دوني الباب
لك باب قلبي طلج حلي
لك ناظري بالدمع عباب
والحال مالفرقى استعلى
من عوق وسط القلب ما طاب
جنه الا طب انعمل لي
مصطاب والي يحب ينصاب
هذا الهوى او حكمه عدلي
الحب هبت ريح واعجاب
ماهوب درب للتسلى
ما احمل انا هجران لحباب
ابلا سبب منى وزلي
في شفهم بادوس لصعاب
اوبصبر على حمل الثجلي



اسمعت في الهاتف ولا ريت
صوت يصحى عوق واسقام
سلم وبادرني وحييت
يا سعد جظي والبخت قام
يا ريم من شوفك اتبهيت
ومنادمة صوتك والانغام
الكم مثل حبي فلا ريت
ساطي وسط روحي والانسام
وانا مطيع الكم وذليت
طوع المعانس قود لخطام
يا سيد غالي لو تغليت
دايم غلاكم زد لانام
لعصير لمسيان لاقيت
اللي عليه وصوف لريام
ان ياك الا صوبهم ييت
سلم وبلغ نسل لكرام
جداوه درب الوصل ما ريت
وانا عليهم شفج م العام
ما ينفع الماخوذ ياليت
ولا تسعف المظلوم ظلام
ياما صبرت وكم تمنيت
والوصل دونه طول ودام
قصدك جفا ولا تناسيت
والا بحكمي ناوي اعدام



شط الحشا من شط به والقلب مني صوبه
واللي مريح ولا دري لي حل بي ماحل به

حل ابحشايه يا ملا حب الحبيب وابتلا
والقلب دونه ما سلا شط الفواد وعذبه

عذلت قلبي ماصبر عن راعي الطرف الحور
يلي جبينه كالقمر يزهي بشله حاجبه

ذوب فوادي واملكه في وسط غزله شربكه
يا ناس ماروم الحقه عوقي غبي منه سببه

عودة عويد الشادني مرباه داري ووطني
يا ناس حبه صادني صيد الوحش في مجلبه

مجبور جبر المبتلي في حب خلي العدملي
واللي يلومني خلي لي حل بي ماحل به



حد مثلي بات مشجنه
حلم طيف مر خطافي
واغتنم من وجدي الونه
يوم كلن بالكرى غافي
جرح في جاشي امخفنه
والخوافي ضربهن خافي
لي محب منى اومنه
حب مثل الجوهر الصافي
ليت باينقل لي المنه
جان قدره عنديه وافي
والوفا من فني اوفنه
بينا ما يمشي اخلافي
حيث لنه بالعرب سنه
خص عند الناس لاشرافي
يانديبي وصلكم جنه
والبخت لي هوب مسعافي
حالية يا زين مدعنه
من ودادك منقل الحافي
لاتخيب فيك من ظنه
خير وانتوا حق وانصافي
انت فرضي لي امصلنه
وانت وردي وانته اتلافي
يعل يود السحب لمدنه لي
برقها بات رفافي
والرعود امسوية حنه هل
واسقى ذيج لاطرافي
لين ينبت وين واطنه
بالزهور امعزل الجافي
بوخدود فوعه اسمنه
يسفرن من شيل ارهافي
جان جتلي مستحلنه
لو على جتلي انا شافي



اتردد للمكان اللي انت فيه
كنى فاقد شي فب ذاك المكان
اتعذر باي شي واسال عليه
والوله ف نظرة عيوني يبان
ان سئلت اقول لي شي وابيه
بس مادري وين في ذاك الركن كان
غالي الاثمان يبشر من لقيه
ضاع منى ضاع والدنيا امان
ان عزمت اشرح غرامي وابتديه
وانتقى احلي عبارات الحنان
شفت عينك تسرح بقلبي وحكيه
وانسى كل اللي جمعته من زمان
كيف اقاوم رمش به كبر وتيه
كيف اوضحلك ما يطاوعني اللسان
تلعب بقلبي وقلبي انت فيه
مثل لعب العاصفة بالخيزران
اه لو تدري بجرح اشتكيه
في خفايا الروح حبك له كيان
اعشقك واللي عشق وش في يديه
يصبح بهمه ويمسي في هوان



لولّ معي زايد غلاكم
افدي بروحي واشتريكم
احرب واشني من شناكم
ما ارتضي بالشين فيكم
وانتو تجافون اصدقاكم
من دون زلات تجيكم
كدرتوا الخاطر تراكم
واعرفت قاصي اوليكم
واليوم مالي في معانكم
حاشا وكلا ما عنيكم
امشوا واسيرو في هواكم
وانا عليه ما تليكم
وضاع الربع في ملتقاكم
من حين جافيتوا خويكم
ولو كان باغش ادعواكم
لمسماحة منى اليكم
واقول لني في ذراكم
الله يهديني ويهديكم
والقلب حالا عاف ماكم
يوم املحت شربة طويكم



لا تذكرني بحبك يا غناتي
ولا تذكرني بماضيك الجميل
في صدى ذكراك بقزر حياتي
مستحيل احب غيرك مستحيل
انت عمرى وانت اغلى ذكرياتي
وانت في قلبي ولا غيرك خليل
انت عيني لي بها شفت البهاتي
وانت لي في مقلة عيوني نزيل
لو تقضى عمرنا الوردي وفاتي
وانقضى وانزاح شروى حلم ليل
تصبح الاطلال في فكري وذاتي
في الضمير اتعيش لا يمكن تحيل
كم تذكرتي السنين الماضياتي
لي تلاقينا بساعات الاصيل
كم على ذكراك هليت عبراتي
وانت عني يا منى عمرى ذهيل
صار عمري حزن وايامي حسراتي
والفرح من دنيتي شد الرحيل
كنت محبوبي واغلى امنياتي
صرت فجاه يالغلا عني دخيل
حسبي الله عالذي سبب شقاتي
لي سقاني المر عقب السلسبيل
اللي بعد مجراك عن مجرى حياتي
وافرقك عني بعد عمر طويل
يا حبيب الروح بكتبلك وصاتي
ان غديت اليوم في حبك جتيل
انشدك بالله لي طفت برفاتي
لاتخلي دمعة عيونك تسيل



وين الوفا ياهل الوفا وين
ضاع واتلاشي مثل لحلام
ظنيتكم يالخل وافين
ماكان ظني فيكم اوهام
نحنا على عهدك مراعين
دام النصخ يسري في العظام
بصبر على فرقاك يازين
حتى ولو طول الف عام
منك الشقا والصد والبين
والويل والمحنه والاوهام
كنت الامل ياقرة العين
عمري وروحي لاجلك اتسام
ما خذتني بالروف والين
نفذت فيه حكم الاعدام
كنا قبل روح اف جسمين
نصحى على الاشواق وانام
مثل البلابل في البساتين
نشدي بصوت او لحن واانغام
واليوم يااغلا المحبين
تنكر وداد عمره اعوام



لي صاحب صد او جسا
من عقب ما هو لي جليس
عني خفا او تغلسا
او تميت العى ابلا ونيس
ما ادري تعمد او نسا
يهجر محب له عنيس
في القلب حبه لي رسا
وانا ابغرامه كالحبيس
اطلب رضاه واتلمساه
لي من بدا ابد له يميس
غر بحسنه اتهندسا
تفداه نفسي والنفيس
اطلب من المولي عسى
القاه في يوم الخميس
بالحل في ساعه مسا
في غرس والخاطر نفيس
في جو انسا نهمسا
خالي من الواشي التعيس
هو سيدي وسيد النسا
به فرحتي فرحة عريس
يا من به القلب اغتسا
دونه حياتي قلت بئس
شوفه عن الباقي وسا
او في وسط قلبي جليس
سبحان رب له كسا
حسن تفرد به غليس



صوب دار الخل انويت السفـر
القلب مشتاق واحـث المسيـر
بتبعه لو في مهاليـك الخطـر
والسبب ما بي من الشوق المثير
هام قلبي في هواكـم وانجبـر
صدقوني كيف اسلا ما يصيـر
يا حبيبي من مصابي في خطر
وارحم اللي صار في حبك أسير
ما هوى قلبي بعد غيرك بشـر
لك حلفت بربي العالي الكبيـر
لا تعذبنـي وتروينـي القهـر
ارحم بحبـك محـبٍ يستجيـر
انت عندي مثل روحي والنظـر
منك عوقي وانت بأحوالي خبير
لو بغيت ايام عمـري والدهـر
في ودادك انت مالي حد غيـر
كل ما هبّـت نسانيـس الفجـر
ياب لي الذكرى على جنح الاثير
ما يطاوعني ولا عنـدي أمـر
قلبي المآخوذ ما يقبـل شويـر
الصبر يا زين سم من ذوق مر
والهوى تلاف للعاشق خطيـر
شوف حالي من تصاويب القدر
بن خليفه ثيبني وانتـه خبيـر



هيمان يالمحبوب هيمان
الهون لو اتثيبون بيهون

باعيد وبعلق اعلان
لو مرة حولي اتمرون

ون شفتكم باقول حلمان
ما ابغي فسر حلمي ولا عون

من عاين القدري بلعيان
يجعل حلومه سر مكنون

الدار تشكو يور لزمان
تبكي على لي شدوا اظعون

ساروا او خلوا القلب ولهان
والفكر تتلاعب به اظنون

لاكان عمري ابلا كان
او بك الحياة اتتزين وتكون

وين الوعد يا نور لوطان
مفروض بالميعاد توفون

خذني ابروف الله ولحسان
يا ويلي الله لي به اجنون

لنسان يترفق بلنسان
وايرعى اعهود الحب وايصون




يالكوس يالمطلي قم شلي
وانتي لي المندوب
انصا اديار الخلي لا اتزلي
واتبع قصير ادروب
اولي ييته في المحلي المتعلي
بين امغيب اوجنوب
بتشوفه كامللي في الحلي
هو غاية المطلوب
في طلعته لي هلي يخجلي
يعزل هو المحبوب
هو اقمري اويحللي متجلي
ضارب عمد واطنوب
حبه غزا واحتلي وبالكلي
واتجاوز المنسوب
ما اعطاني مهلي يهنلي
قوتي ولا المشروب
شوقي له امسويلي اومشعلي
وسط الحشا ليهوب
خلي شوفه دوالي مالعلي
لي ماخذني انهوب
لو مكبر باصلي اذهلي
انحي صوبه وطروب
يالي كلامه يسلس عسللي
قلبي الشجي المتعوب
ريم الفلا لمفلي باغتلي
يقطف زهر واعشوب
ريحة جناة الفلي منحلي
ينفع عطر واطيوب
لي شوفه ما يملي لي طلي
لي من مشا بالدوب
تل القلب له تلي من حلي
في ضامري محجوب



تبعك عذاب او شوفك اعطال
والصبر طال او وصلك اشحيح
ناحل وجسمي جنه هلال
وايميل من نسمة هوى الريح
بي من وداده باخص الحال
لاسباب من قل التصريح
قلبي عويج وصابه اويال
وغيري عن اما صابه امريح
جن ابحشاية لاظي صال
نار الغضا وتهبه الريح
طوفان حبك موج شلال
ومركب غرامي لوح ويشيح
يلوث وين الغبة اديال
وين الهوامش والتماسيح
شفني شرى لي يتبع اللال
واللال غدرانه منازيح
ياعاذلي شف وصله امحال
مبعد غريب وياخذ الريح
مثل الظبي لي خز يفال
لي شاف م القانص ملاميح
ريم عليه الوصف ينقال
يرعى قفر صبح المياضيح
ياين خليفه عنكم نسال
ومن صوبك الشرتا مطاييح
كل نظر في حالي ايسال
ويسال يللي قلبه امريح
مايستوي راحل ونزال
واللي شجي وفواده امريح
واثنين ما صارو علي حال
يضحك وذاك والثاني يصيح
حر حفق من راس متلال
لغروب فروا له تلاويح
يا غر يابو عود ميال
يابو خصور لك مكاشيح
شوفك يخوز ضيقة البال
ويبري جروح اللي مجاريح
عسى ديارك يود همال
يروي فيويك والمطاييح
سيح الغريف وروس ليبال
والساد ورمال مناويح
في مرتع الخلفات لابهال
اتم غدرانه ضحاضيح
عم الوطن من سيح ورمال
اشهور وايام مراويح



كل يوم الشوق عندي لك يزيد
ونت في راحات عنى ماتسال
باتقرب لك يلو تبعد بعيد
اوتذير اوتستوي شروات لال
عرافنه فيك هالطبع العنيد
يالحبيب ايلوق لك هذا الدلال
من اجل عيناك بالخل المجيد
بالصبر باسير لك في طول بال
ما بطرش لك رسايل بالبريد
غير بالهاتف ببادر الاتصال
انته راس المال اليه والخريد
والحياة والروح لي بعده محال
يامناة النفس يالريم العجيد
ياسفر البلاد يانبع الجمال
لا تخليني بهالدنيا وحيد
زوروني لو كان في طيف الخيال
يوم بك بافوز في يوم سعيد
واتكرم لي بقربك والوصال
ذاك عندي يوم مشهود وعيد
فيه انسي يكتمل والاحتفال
الجفا والصد كثره ما يفيد
يتعب العشاق ويزيد العلال
من زمان الحب جبار شديد
ما يحمله الا قوي احتمال



شدوا العربان بالكلي
واتركوا ذا الروح ولهانه
مادروا وش بالحشا حلي
م الفراق وحر نيرانه
مستليع وحالى اعتلي
والحشا شبت به احزان
دمع عيني سال وانهلي
يوم قفت عني اظعانه
ويل من هو عقبهم خلي
ضاع عقله وبرهانه
ماخذ من الزين ومخلي
كمله عن كل نقصان
اطرب لشوفه ولا املي
مرخص الغالي على شانه
هو شفاي وشمسي وظلي
راضي في حكم سلطانه
وين بلقى عقبكم مسلي
ياشبيه الريم في اخوانه



واعذابي عذبوني
من بداعي في هواهم
شطوا القلب او سلوني
واحرموني من لقاهم
في هواهم تيموني
عاكسوني في ادعواهم
وابهجرهم لوعوني
اولي بلاني من عناهم
ليش ليش اشله جفوني
ليش خلوا من يباهم
لا ولا منهم لفوني
لي بينقل لي نباهم
حالت الحساد دوني
وابعدوني عن ملاهم
اسكنوا مقلة عيوني
خاطري يطلب رضاهم
وين لي بايسعفوني
بالتفاهم في امعناهم
اوبالعدل بايحكموني
في ادعوايه وادعواه



تاه الفكر و الأمر ضاع من حيلتي
وأضنت جروح القلب يا الرفقان
والدمع من كثره حرقلي وجنتي
يا من معين,مضنى شكى الحرمان
خلي رحل و ظلمت بعده ديرتي
دومي في ذكره مهاجر النسيان
لا من خبر صوبه بيشفي علتي
و لا من بشاره تطفي الولهان
بلغت كل عابر لديرته بحالتي
عسى يهون لي على الخفقان
نومي هني ما طاب لي يا منيتي
ولاني ع لذات المقات شفقان
إتعود في وصلك حبيبي فرحتي
و تهل نفسي شاكر الرحمن
ما غيركم يسكن حشى في مهجتي
انتو هنايا و منية الوجدان
شوقي ل شوفه زاد و زادت لهفتي
لا الطيب يحلي منك يا ورد لوجان
متى يا ربي بوصله تونس وحشتي
وتراني في حبه مديم هيمان



قفا خليلي عني وراح عقبه انا ما ابغا البديلي
عذبتني يا حلو الوشاح يالي شرا ظبي المجيلي

مالي على فرقاكم يواح حالي نحل وجسمي عليلي
لا تفتكرني كنت مرتاح وانا على نار المليلي

بدعي عساك بخير وافراح وتعودلي ياذا الخليلي
يا كم مثلي في الهوا ناح يشكي من الهير الطويلي

يبكي ودمع العين نضاح ديام على خدي هميلي
يلعي وليف صار مرتاح مبعد ووصله مستحيلي

الله يعود ايام الافراح حتى الكدر مني يزيلي
ونتم في غيات وافراح ولا نستمع قول العذيلي

عقب الكدر يا زين نرتاح ونشم من الورد الجميلي
واختمت جيلي عد ما لاح برق اللضا وصط المخيلي



قزرت ليلي في هواجيس
يوم الخوالي ذهل انعوس
جني ربيط في المحابيس
عليه ترقب جند وحروس
بي وجد حب العامري قيس
باشواق ليلى هوب مدسوس
ظبيٍ من الخود المجانيس
لي له ابطور الزين ناموس
حط ابحشايه عرش بلقيس
وله امعلوقي كرسي ايلوس
يسنيك عن نور الفوانيس
براق خد جنه اشموس
لو ما تزين بالملابيس
عليه نور الحسن ملبوس
حشيم عن تبع المدانيس
لي ما يبيع الطبع بفلوس
يا عود موزٍ في مغاريس
أنعم من الديباج ملموس
لك في حشا قلبي رواسيس
جنك على لفواد معكوس
سلام يا حلو التجنيس
لي ما لكم في العالم اجنوس
أنا عقبكم حالتي ليس
حال الذي لي دوم محبوس



احبك لو بغيت انساك ما قدر
احبك لا تسال القلب واصبر
احبك من زمن يوم الطفوله
ويوم الوقت احلام وتصّور
رسمتك في خيالي في ضميري
جميلٍ ما على وصفك انا اقدر
اشوفك كالسما صافي بليله
قمرها نصف شهر يوم يظهر
واراك بعيني ودي والتماني
واشوفك جسم في الصوره واعبر
احبك انت ما اقدر ان ارابض
خطايه لا ذنوب ولا تكبر
ملاكٍ نظرته احلى من الشوف
تشوقني تناديني وتأسر
وثغرٍ بسمته مفتاح لي به
حوا ما تشتهي نفسي ويبهر
احبك تجتمع فيك المزايا
حلاةٍ وانسجام الله وأكبر



احبيبي كيف ممساكـم
يعلكم في خير تمسونـا
وش خلف يا زين لاماكم
ش السبب لي به هيرتونا
لا ولا كنـا عرفنـاكـم
في الزمان او لا عرفتونا
لو اصحاح الريل زرناكم
لو بربع الخالي اسكونـا
ان طلبتونـا عطيناكـم
وان طلبنا ما عطيتونـا
ان شرهتونا وصلناكـم
وان شرهنا ما وصلتونا
عم غيري فضل حسناكم
ماظلمناكـم ظلمتـونـا
يوم عدل الوجت محلاكم
كالعسل بالزبـد معيونـا
ثم نزلنا فـي سويداكـم
يـوم بدلتـوا ظهرتونـا
وافترقنا خلـي او ياكـم
والصفاوة صارت اظنونا
مختلف م العام مجراكـم
وين اجري ما تجارونـا
يوم هذا صـار معناكـم
عقب زين بـه ملكتونـا
بزرع التفـاح ميراكـم
جورتين او حب زيتونـا
بستعين ابـرب انشاكـم
بالخلف عنكم يمضنونـا



ياعين كف الدمع مني ولـو يـوم
صبري على مر الدهر لو شقاهـا
مترا الدمع ياعين وصلـج الغيـوم
غيـم علـى غيـم يعتـم سناهـا
عييت من شكواك في ساعة النـوم
نوم يشوق ناظـري فـي كراهـا
لو ييت اخفى مابدالـج فـلا رووم
منج تناثـر وابـل الدمـع ماهـا
حتى وبر الصبح نشيـت مغمـوم
انادي على من سبب كـان بلاهـا
بلا من بلاني ف العمر خط مرسوم
رسم مسجل ف الصدر ما محاهـا
أنا بوده صابر فـي الدهـر دووم
دووم على دووم وروحـي فداهـا
هاذيج اوقات مـع الخـل محتـوم
مرت كما برق لمع فـي سماهـا
تركلي من الفرقى شوم على شـوم
كما رسم وسم دمـي فـي دماهـا
طونه خيوط الدهر صـار مبـروم
برم السدي لي وثقه فـي سداهـا
ياعين كفي وافهمي الحظ مقسـوم
جسمه من المولي يبـري براهـا
لابد في الاوقات تنصفج لـو يـوم
وتشفي جروحج قطرة من دواهـا
اداويبها روحي من غيـر مفهـوم
لو كان بشرب حنظل البـر ماهـا
لذيد على جبدي خافـي ومكتـوم
تصفي ولو تدلـخ علـي صفاهـا
عسى الله ياعيني لج الحظ مقسـوم
مع احباب واصحاب يجرب خطاها
هذاك وين النفـس ترتـاح ياقـوم
قوم من الضيفـان يـردوا ثناهـا
ياعالي الخود واسمـك عالـي دوم
واسمك بفعلك معتري فـي نداهـا
عسى الله يجمعنا على خير الوسوم
نفرح بشوفـج مـع جديـد لفاهـا



اسمك بين الاسامـي
ظاهر يلـو بخفيـه
له بينـات اعلامـيت
اضي احروفه فيـه
لو باخلف الكلامـي
او بخفي يلي تعنيـه
ايبين الهـا نظامـي
او ذوق او نغم تعطيه
ياذا الحبيب السامـي
لـي العمـر بفديـه
قلبي شفيج اوظامي
اوشوقك يلي يرويـه
فكري غزته اوهامي
تاه ابصحاري التيـه
سج ابهواك او حامي
ما ايرد لـو بدعيـه
دومك ملاك الهامـي
اليه الشعر توحيـه
وانا بـه عالدوامـي
لك انظمـه وفضيـه
ياقايـد الاريـامـي
مالك نـد اوشبيـه
وجهك بدر التمامـي
لي ينظـره تعشيـه
مع ريف الانسامـي
لك ياسيـدي النبيـه
بندب ازكي سلامـي
ماله عـدد تحصيـه
تفاح زرع الشامـي
زراع لـه يسجيـه
غرد فوق الحمامـي
والورق لـه يلعيـه




سافرت عنك و خافقي معك
يا سيـدي عنـدك امانـه
ما طاع يالغالـي يودعـك
يرحل معي و يترك مكانه
خله معاك يسهر و يسمعك
خلـه يسامـرك بحنانـه
و اذا الوله و الشوق لوعك
بتشوف طيفي في عيانـه
لو شفت عني البعد يمنعـك
لو طول غيابـي زمانـه
لالا تبكي بيـوم مدمعـك
ماهو على شانـي عشانـه
بكره الليالي بـي تجمعـك
يا نبض قلبي يـا كيانـه
راجع لدنيا فرحتي معـك
راجع و عندي لك امانـه



يوم شلوبي من الديره قالت يالمضنون الوداعــــي
وسط في جسملاج في امسيره في طرشلي البحر ساعي

اذهلو قلبي بحاحيره هأظ ما هالت به أدماعــــــي
من يسلي القلب وديره عنمنت باشاعه وشعاعــي

لـي خـوي النفسـه اصغيره مالـي الساقيـن واذراعـــي
دمن وحشـي في غــناديره اغنجت علـي الخــد لاماعــــي

دمن وحشـي في غــناديره اغنجت علـي الخــد لاماعــــي
في بحر ستين تفسيره في بحرين براحت امراعـــــــي

اااااه يا من صابته حيـــره بين يصير وصرا ينواعـــي
يضرب الغاربي مزاميره كل يوم ينوح ويلاعــــــــــي

قالت له يا بريح لك خيره دواج وداوره وداعـــــي
قال في امر الرب له تقدره لازم المامور مطواعــي

كم غني يحسب مخاسيره في الربح تايه وامطماعـــي
لا ملامعكم تغزبيره صلاب الغربي من الباعـــــــــي



والله اني احبك رغم كل الظروف
رغم كل المتاعب والاسى والجراح
ما نسيتك دقيقه يا بهي الحروف
يا سمو المعاني يا مليك الملاح
انته زهرة حياتي بالغزال الهنوف
وانته منهج غرامي وانته فال الصباح
يارقيق المشاعر الخجل منك خوف
يا دلال مدلل بين جد ومزاح
القمر من جمالك صار عنه كسوف
من جمالك يغني لك هبوب الرياح
انته عين الحقيق وانته سلس الوصوف
انته نجم الليالي ما ابد يوم طاح
الامل في ايدينك واقعي لو تشوف
اتمنى في قربك غايتي وانشراح
والليالي بدونك اشهد انها تعوف
مالها جبر خاطر مثل كسر الجناح



بحتفل بعيد ميلادك للاسف بحييه من دونك
المهم ابقى ع ميعادك واحفظ التاريخ واصونك

الله يهنيك بعيادك في غيابك تمرح عيونك
الله يحققلك مرادك وين ما تمشي على كونك

لا تذكر ريح فؤادك لا تعذب قلبك اشجونك
ما يهم اعنادي اعنادك او مجرد تكثر ظنونك

المهم احفظك ف بعادك واثبت لدنياك ما اخونك
خذ هديه عيد ميلادك من محب كان مجنونك



ياشوق الايام تجبل بي وتجفي بـيوانا على سرجها تحطـم اعصابـي

اسرح مع الفجر والا الليل يسري بيوانجومها الساهرة تسهر على بابي

تتوحد هموم فكري لاجـل تعذيبـيواصدها بالصبـر واتنـوخ رجابـي

في غابة موحشـة محـد يدريبـيوحوشها ضارية وتضحك بالانيـاب

ان هشت هاشت وعدتني مشاريبـيوان يتها بالسيس فيها الرجا خابـي

الحـظ عانـد يلبيلـي مطاليـبـيوازرابي الدهر ما تسترنـي ثيابـي

لا تلومني يالغـلا وتزيـد تانيبـيما نزل الراس لو زادي من ترابـي


تبعك عذاب او شوفك اعطـالوالصبر طال او وصلك اشحيح
ناحل وجسمـي جنـه هـلالوايميل من نسمة هوى الريح
بي من وداده باخص الحـاللاسباب مـن قـل التصريـح
قلبي عويج وصابـه اويـالوغيري عن اما صابه امريح
جن ابحشايـة لاظـي صـالنار الغضـا وتهبـه الريـح
طوفان حبـك مـوج شـلالومركب غرامي لوح ويشيـح
يلـوث ويـن الغبـة اديـالوين الهوامـش والتماسيـح
شفني شرى لي يتبـع الـلالوالـلال غدرانـه منـازيـح
ياعاذلي شف وصله امحـالمبعد غريـب وياخـذ الريـح
مثل الظبي لـي خـز يفـاللي شاف م القانص ملاميـح
ريم عليـه الوصـف ينقـاليرعى قفر صبح المياضيـح
ياين خليفـه عنكـم نسـالومن صوبك الشرتا مطاييـح
كل نظر فـي حالـي ايسـالويسال يللـي قلبـه امريـح
مايستـوي راحـل ونــزالواللي شجي وفـواده امريـح
واثنين ما صارو علي حـاليضحك وذاك والثاني يصيـح
حر حفق مـن راس متـلاللغروب فـروا لـه تلاويـح
يا غـر يابـو عـود ميـاليابو خصـور لـك مكاشيـح
شوفك يخـوز ضيقـة البـالويبري جروح اللي مجاريـح
عسى ديـارك يـود همـاليـروي فيويـك والمطاييـح
سيح الغريـف وروس ليبـالوالسـاد ورمـال منـاويـح
في مرتع الخلفـات لابهـالاتـم غدرانـه ضحاضـيـح
عم الوطن من سيح ورمـالاشهـور وايـام مـراويـح




ماني من اللي يبيع ناسن شروني...افديهم بروحي ولويخطوا ابا اعذرهم
كافي بحياتي ناس احبهم واتركوني...اخسروني وانا تمنيت مااخسرهم
هاتوا القلم بكتب وصية ناس خلوني...ناسن لهم قدرن بقلبي بس بتركهم
كانوا حياتي وكل مافيها وهدوني ...الناس حسدتنا وقالوا ياربي فرقهم
مع السلامة للابد ياللي نسيتوني...كانوا حياتي وكل حياتي قبل اعرفهم
ولماتلاقينا افترقنا يوم ملوني...عافتني الدنيا ولا لي غير انا اهجرهم
وداعة الله يارواية ناس اجفوني...قررت اسافر للابد لجل مذكرهم
كتبوا على قبري هم اللي نسوني...كانوا يحبوني وكنت انا منهم
بس افترقنا للابد يوم باعوني...ماضنتي راجع بيوم انا لهم
مع السلامة ياللي كنتواتحبوني...رحتوا وبقول الرب يحفظكم
وينه زمان الحب يوم عفتوني...قلبي حزين يوم انه بيذكركم
حرام ليش انتوا ودعتوني...ماحد يفهمكم مثل ما انا افهمكم


غنـا الحمـــام وهـــيج القـــلب بغنــــاه = ودعا فوادي مولـع عاشــــج يـــرف
متولـــع يبـــكي علـــــى فقـــد مظنــاه = والدمع من عيني جراما بعـد حــــف
كـــلما مـــشحته مــن نظيري دفق ماه = سال وهتف دمعي شراذارف النــف
من ليعتــي اصفـــج يســـاري بيمنـــاه = والعي كما ورق على عالــــي الرف
وتــــــوق بصـــواتي ونــا اقول ويلاه = قلبي امتيم يا مـــلا والعقــــل خـــف
حــرام نومـــي يـــا مـــلا مـــا تهنـــاه = حالي عليل وصفج الكـــف بلكــــف
على وليف مــــا رحمنــــي بحسنــــاه = خذ نهجتي وقفا ولا بــــي تلـــــطف
ونا اصـرح لـــــه شفيـــــج أبلامـــــاه = مثل اليتيم اللــي علــــى أمه تهنـــف
يذوب قلبــــي يم بسمــــــع بطــــرواه = لنه فريـد الحســــن ما كاد يوصـــف
كالشمس في جلباب طلعـــــة محيــــاه = كالبدر ليمنه كمــل عــــد ونصــــف
له جـــادل ظافـــــي ايلي قام يسحــــاه = طايح على امتونـــه ردوم ترظــــف
والعين سودا كنــــها حبـــــر فـــــدواه = زحياي مقرون كما النون وعطـــف
واللي تبتسم لــــــي وبانـــــت ثنايــــاه = شبه بالرد والا كما أرقــوم تصــــف
والريج معسول اللما صافــــــي مــــاه = يشفي عليل مـــن شفاتـــه ترشــــف
والقد مملاي علــــى زمــــت اصبــــا = نابي ردوف وناحل الخصر وهيــف
يمشي شرا مشي العطا يقصر أخطــاه = محلا ليـــــــمنـــــه مشا بالتغريـــف
حبه بخص لغواد يا نــــاس وقصـــــاه = شط بوليع مــــن مصابــــه تكلــــف
عقب اجتماع يا مـلا صــــار هويــــاه = أقفــا وخلانــــي دريـــــل اتنســــف
بيني وبينه دارو اسبـــــــور ووشــــاه = يسعــون بلفرقــــا عليـــــه تعنـــــف
وسبحت مقطوع الردا مـــن ملامــــاه = عزيل حالـي ما لبكــــا والتحســــف
والشو حياتـــي يا نـــــدا مــــا أبليــــاه = تمظي ونا ما نلت من مطلبي شـــف
والصبح يوم أثور يا نــــــاس ملقـــــاه = لثر نــــقص ولا تحييــــــد يعــــرف



البر والمزيون
احب البر و المزيــــــون .. وأحب البدو والاوطــــان
واحب قبل لا يـــــدرون .. هلي وأهلك ولا الجيران
وأحب العذري المخـزون .. بمجرى الدم و الشريـان
أحبك و المحبه عــــون .. محبٍ عاشقٍ ولهـــــــان
ولأجلك كل شي يهـون.. على شانك رفيع الشـان
ولو تطلب نظر لعيــــون .. عطيتك منيه سطـــــان
ببيع الروح لة يشــــرون ... ونرظي خاطرن زعــلان
وحرام البعد يا المظنـون .. حرام الصد و الهجـــران
تعطف وارحم المفتــــون .. بحبك هايم وحيــــــران
تبات انته مريح شجـــون.. وانا شجوني بها طوفان
يلي من غمضت لعيتتون.. انا ونومي حرب مابـــان
يلين هاجمني المضنـون..بمن عنده برد الشـــــان
وصلى الله على المامون.. محمد من نسل عدنـان



ميحد حمد وراشد الماجد

وصيت قلبي عليك وفكري وظني
ان غبت عنهم عليك عتابهم هادي
ما ودي تجرح شعورك كلمة مني
وانت حياتي وعمري ومهجة فؤادي
ودي تعيش العمر راضي ومتهني
مرفوع راسك عليك العز متبادي
يا تاج راسي وانت مني وعني
تامر وتنهي وامرك اول البادي

يا شوق روحي وقلبي وقطعة مني
عتابك ألطف من النسمة على فؤادي
مايجرح القلب إلا غيبتك عني
وإلا عتابك يشابه طبعك الهادي
أنا اهتني يوم أشوفك انت متهني
وأشوف نور الهنا بطلتك بادي
ما يختلف فيك ظني يا حسن ظني
دايم وفيّ معي يا وردة بلادي

من كثر خوفي عليك الخوف يمحني
وأفقد شعوري واشوفك غاية مرادي
ان غاب صوتك انادي الليل واوني
واتخيلك واتذكر هامة بلادي
مديون لك بالغلا والحب مشكلني
يا مستحل الفؤاد العاشق الغادي
من يشبهك في البشر ياذوقي وفني
ياراحتي وبسمتي موتي وميلادي

لا تخاف مني ومن قلبي إذا وني
أكيد مشتاق لك يا غاية مرادي
ما يتعب القلب غير الشوف لكني
أصبره بالقصيد وصوتك الشادي
أنا أحبك وأحبك من صغر سني
ما ابالغ ان قلت لك من يوم ميلادي
أكبر واللي كبر غلاك اللي مجنني
غصبن على عيون حسادك وحسادي

وصيت قلبي عليك وقال متجني
احذر غيابك على قلبي ماهو بعادي

لا توصي القلب اللي بالشوق متعني
ما دمت أحبك عتابه ماهو بعادي
عتاب قلبك على حبك يطمني
خله يعاتب أنا سلمته فؤادي



آه يامن روحه اعتلت واصبحت في حسب لمواتي
من كثر الصبر هي ملت مالها في القوت مغواتي
الخلايق كلها اتسلت واهتنت بالنوم وتباتي
الا انا بي عله اتبلت فالضمير و طب هيهاتي
ويل روحي عقبهم تمت لا ولا تهنى بلذاتي
من وزايه بالحشى شلت وجد وهمومٍ وعلاتي
تشتكي وتنوح ما كفت من بكيها وزادت اهاتي
لامني لي ما دروا حلت بمصايب جور الاوقاتي
كيف صبري ونفسي اختلت من فراق طيب الذاتي
له سلامي عد ما طلت من هبوب البر لفحاتي



ودعتكم ليت ما كـــــــان .... يوم الوداع القلب ممحون
سالني ويش الذي كـــان.. لمفارق احبابه وش يكـــون
انا مليك الحب سلطـــــان .. مضنا ضنين الحب وشلون
قلبي عليكم دوم ولهــان .. دايم بكم مغرم و مشطون
عسى انكم طول لزمــان ... يحفظكم الله خالق الكـون
يا عين حر شافح الشـان .. يتوك صوب الي يهــــــدون
ولاعنود شاف ريعــــــــان .. ذاير و حزم للي يصيــدون
لحظه وداعي كان لي كان ... جني طعين بحد مسنون



احب يا نظر عيني غناتي...
وأحب للأرض لي تمشي عليها..
وأحبك حتى أكثر من حياتي..
وسوم الروح للأجلك وأشتريها..
معي ذكراك له ذوق وحلاتي..
يشافي القلب و الروح يحييها..
اداوي به جروح مخفياتي..
فلا يقدر طبيب يعتنياها ..
ولو الخوف وادرا العاجباتي...
و اخاف الناس تكثر في حجيها..
لأطبعها بعاصوف الشراتي...
وخلي مويها يطمي عليها...
وخلي يكون لي في الكايناتي..
ويقول الناس هذا مدعيها...




يا منقش العنـاب بخضـاب.......ويمشـرب اللـون ابياضـي
باسباب والا ما شي اسبـاب.....دايم اتشكل فـي غياضـي
وغلاك عندي ماله احسـاب......ولاتنقلـه سبـع الاراضــي
البستنـي م الحـب جلبـاب......جلاب من عقـب التراضـي
وخليتني من خـارج البـاب........ماكن لـي ويـاك ماضـي
اعجاب منك اومني اعجاب.....تخطي وانا لك في تغاضـي
والوقت يقزر كلـه اعتـاب........ولا شي عند الواش قاضـي
بوثمـان ذبــل اعــذاب..........في مبسم كالحـص ياضـي
وعيـون قتـالات باهـداب........والحاظ في النظرة مواضـي
ان قمت لك بالوافي اوجاب.......هذاك في الحب افتراضـي
عسى اوطنك يسقيه سحـاب......مركون ومزونـه اغلاضـي
ينقاد م المغرب له احيـاب............ويبـات براقـه لـواضـي
وسمي وتزهر فيه لاعشـاب..........واتـم وديـانـه ريـاضـي
تلتف له في الكشته اصحاب.......تمشي لهم خدم او حواضـي
هنالك وين تقيـم لاحبـاب............ويطيـب للحاضـر مقاضـي



عرفتك قبل لا تعرف عليــــــــك ..
رسمتك في خيالي حلم غالـي ..
قبل عيني تشوفك والتقيـــــــك ..
احبك يا خيال في خيالــــــــــي ..
انا شفتك وشفت الحب فيــــــك ..
ومن اللي مضالي ما مضالــــي ..
أحبك وانتفع لك واهتويـــــــــــك ..
نعم واموت فيك ولا ابالــــــــــي ..
اذا قلبي بنبضاته نسيــــــــــــك ..
عيوني بالمحبه لك تخالــــــــــي ..
يضج من الهوى صدري واجيــــك ..
ويصرخ هاجسي فوق احتمالـي



ليت جنح الليل يحملـك أسـاي......نوح قلبي منـك ليتـك تسمعـه
ليت حظي مرة يصـدق معـاي......ليت شملي معك ربـي يجمعـه
من زمان وصلكم غايـة منـاي........من زمان النفـس فيـك مّولعـه
حبكم غصن تورق فـي حشـاي......مـن شراينـي غـذاه ومنبعـه
لا تمادي ياحبيبـي فـي جفـاي.......صدكـم والبعـد قلبـي يوجعـه
لو تشوف العين تحجي عن عناي....ناظري ما يـوم وقـف مدمعـه
لو اجر الصوت ير جع لي صداي........لـو آجـره محـد بـا يسمعـه
عن طريجك في ضياع يا شقـاي.......لو مسكت الخيط منـي تقطعـه
لك عذابي بس لا تقطع رجـاي........بالأمـل بوهـم قليبـي وأقنعـه



ما اشد يوم فيه فراقك
.................ياروح روحي عند غاليك
غيرت عنا سير مجراك
....................واعتضت فينا لي يسليك
ما عرف مني شوالذي ياك
.......................لا حيدني دست الخطا فيك
ابعدت في شوحك وممشاك
................خليت خلك لي يوديك
معنا حشيم وزين معناك
...................وخلاف ظيعت الرجا فيك
شطيت بي واشقيت مظناك
......................مسموح جان الهجر يرضيك
يا مدعي بالصد بنصاك
.................صافي الحبيب اللي يصافيك
لو تنشرى بالروح بشراك
......................وعندي نظير العين بهديك
بتجاسم العمرين وياك
....................واذا بغيت الزود بعطيك
ياريف روحي كيف بنساك
..................وانته لذيذ النوم يهناك
القلب ما يسكن بلياك
........................والنفس تشره من تجنيك
راقب حسابك عند مولاك
..................و لا تشط يعل الله يخليك



حبك سباني يالحبيب
و قلبي سبيته في هواك
خليتني العي صويب
و عني انقطع حتى نباك

انت امرضي و انت الطبيب
اصح من لمسة يداك
عوقي يلي بي ما يطيب
الا برشفه من لماك

ادعوا عسى لي تستجيب
دعوة غريمٍ له يباك
لي فيك ظني ما يخيب
و لا خاب ظني في رجاك

روياك عني ما تغيب
في القرب و لا في نواك
دومي انا لوصلك طليب
اسعي مجدٍ في لقاك

دمعي على خدي صبيب
سال و يرى و اسقى فلاك
لين الفلا آزم عشيب
و ارتاح به لي في ذراك

يا ذا الحبيب اللي نجيب
عندي رفيعٍ مستواك
مكتوب لي فال و نصيب
زد الخلايق و اقرباك

ساعه غفل عنك الرقيب
يالخل لي فايع صباك
بتشوفني اقرب قريب
حتى تفن اليه ادعواك



ماني من اللي يبيع ناسن شروني...افديهم بروحي ولويخطوا ابا اعذرهم
كافي بحياتي ناس احبهم واتركوني...اخسروني وانا تمنيت مااخسرهم
هاتوا القلم بكتب وصية ناس خلوني...ناسن لهم قدرن بقلبي بس بتركهم
كانوا حياتي وكل مافيها وهدوني ...الناس حسدتنا وقالوا ياربي فرقهم
مع السلامة للابد ياللي نسيتوني...كانوا حياتي وكل حياتي قبل اعرفهم
ولماتلاقينا افترقنا يوم ملوني...عافتني الدنيا ولا لي غير انا اهجرهم
وداعة الله يارواية ناس اجفوني...قررت اسافر للابد لجل مذكرهم
كتبوا على قبري هم اللي نسوني...كانوا يحبوني وكنت انا منهم
بس افترقنا للابد يوم باعوني...ماضنتي راجع بيوم انا لهم
مع السلامة ياللي كنتواتحبوني...رحتوا وبقول الرب يحفظكم
وينه زمان الحب يوم عفتوني...قلبي حزين يوم انه بيذكركم
حرام ليش انتوا ودعتوني...ماحد يفهمكم مثل ما انا افهمكم


روح وراحت روحي
روّح وراحت روحـي ..تتبـع موطـا ثــراه
تسال عنـه وتنوحـي ..محـد يـاب اخـبره

ريم الغيد السروحـي ..مـقّـره او مـصـدره
فوق الوجه الصبوحي ..يـا ربــي مخـيـره

بـو يـادل ويموحـي ..والبـاجـي ينـثـره
له مبسـم منصوحـي ..درّ صافـي احـجـره
امشاهـده مربـوحـي ..واصحي يـوم انظـره

والخد يـوم ايلوحـي ..اتـجـدي ع اسـفـره
كل العطر له ايفوحـي ..مـن تربـة منـحـره

وين الخـل المزوحـي ..ابجـي يـوم اذكــره
راعي العشق مفضوحي ..والمخفـي يظـهـره

روّح و راحت روحـي ..تتبـع موطـا ثــراه
تسال عنـه وتنوحـي ..محـد يـاب اخـبره




ياناعم العود مزحك يذبح وجدك
يذبح وانا كل ماجا منك يحلالي
الله الله يافتان من قدك
حتى عيوني لوصلك موقها سالي
طاحت دموعي غرام قلت وشحدك
يادمعتي تنزلي المركب العالي
قالت مكاني خلقه الله على خدك
ولا عيونك مكان صاحبي الغالي
محلاك محلاك قالت لشهد ندك
حتى الشهد ماينفاس ريقك الحالي
اهواك واغليك واقدرك واودك
والحنك شوق وويغنيك موالي
اهد بفراقك الدنيا ولا اهدك
ابني بوصلك طموحاتي وامالي
برودة الشوق تدفى في حظن يدك
حرارة الوصل تبرد لا تهيالي
احط راسي ع من منحرك واسدك
عن حب هالناس لانك حبي الحالي
قلبي يموت بغلاك ووصلي يشدك
غلاك في خافقي صورتك في بالي
ولنفلا رمش عينك وانتصف قدك
اشوف لون القهر في عيون عذالي
ويقول قلبي هنيا لك ومن قدك
وانا اردد مع قلبي هنييالي



ياناعم العود مزحك يذبح وجدك
يذبح وانا كل ماجا منك يحلالي
الله الله يافتان من قدك
حتى عيوني لوصلك موقها سالي
طاحت دموعي غرام قلت وشحدك
يادمعتي تنزلي المركب العالي
قالت مكاني خلقه الله على خدك
ولا عيونك مكان صاحبي الغالي
محلاك محلاك قالت لشهد ندك
حتى الشهد ماينفاس ريقك الحالي
اهواك واغليك واقدرك واودك
والحنك شوق وويغنيك موالي
اهد بفراقك الدنيا ولا اهدك
ابني بوصلك طموحاتي وامالي
برودة الشوق تدفى في حظن يدك
حرارة الوصل تبرد لا تهيالي
احط راسي ع من منحرك واسدك
عن حب هالناس لانك حبي الحالي
قلبي يموت بغلاك ووصلي يشدك
غلاك في خافقي صورتك في بالي
ولنفلا رمش عينك وانتصف قدك
اشوف لون القهر في عيون عذالي
ويقول قلبي هنيا لك ومن قدك
وانا اردد مع قلبي هنييالي




اشارة بالمساء بـدر التمـام ولكنهـا رمتنـي بالسهـام
فقلت لهـا قتلتينـي فخافـي إلاهـك يارشيقـة القـوام
فقالت ما القوام فقلت قد يحاكي بان فـي عـود البشـام
فقالت ما البشام فقلت غصن يغرد فوقـه فـرخ الحمـام
فقالت ما الحمام فقلت طير يذكرني عن احبابي الكـرام
فقالت ما الكرام فقلت قوما لهم في مهجتي اعلـى مقـام
فقالت ما المقام فقلت بين احـل فيـه واستمـع الكـلام
فقالت ما الكلام فقلت نطق كنطق الشي في كأس المـدام
فقالت ما المدام فقلت خمر على شفتيك اسـود كالظـلام
فقالت ما الظلام فقلت ليـل اجـن فيـه والعالـم ينـام
فقالت ما المنام فقلت غمض محرم عن جفون اهل الغرام
فقالت ما الغرام فقلت عشق سكن في مهجتي انحل عظام
فلما ان رأت حالي اشارة أتت تسعى على أعلا مقامـي
اتت باللاس مختوم بمسك وقالت فضى مختـوم الختـام




تكلمني ونومك غالبنك
وأنا ما أبا السهر يتعب عيونك
دخيلك سد خطك راجينك
رجيتك بالذي غلاك بونك
غضيض بالهوى وصغير سنك
من النسمات تتمايل غصونك
أداري لك و من قلبي أحنك
و أخاف عليك من لاضي شجونه
تقول القلب كيف أنهيه عنك
يعاندني ولا يرتاح دونك
جتيل الحب وأشواقي تعنك
وأموت وان صار مغلق تليفونك




القلب ماهو لعبتن في يدينك ..ياللي المشاعر كلهـــا عنــــدك اوهام

الفرق واضح صار بيني و بينك..مثل اليقين و مثــل طــــريات الاحلام

ما عاد ينفع لو يردك حنينك .. خطاك هاك اكبر من اســف حبــر الاقلام

حتى الرسايل في هــوانا تدينك.. عنوانـــها كـــــذب و خـــيانات و الام
بنساك بنسا كل زينك و شينك.. جرحن جديد و زاد على جروحن قدايم

سدد من ايام الشقا بعض دينك.. واللـي يسوم النـــــاس لا بد ينســام

كنــــا علــى كــــل الخطا عاذرينـــك .. لا نستمــــع باللي فيــك لوام
واليـــــوم قلبي و الفكر رافضينك .. هيهات يرجع حبن ميت من العـــام



شلها عالي صاحب الذوق محمد اللي بتفكيره تهيا
دانة المالي للعلى فوق راعي المجد قال دبي هيا

مضرب امثالي حراً يتوق شوفو ابراجها فوق الثريا
يرخص الحالي ودم العروق مجهد العزم فيها ماتريا

قول وافعالي صدق موثوق مايحب التهاون والكفيه
بحرها اتلالي وبرها سوق يرتعب به جميلات المحيا

تشرح البالي تشفي العوق يابخت اللي بمرباها تفيا
يبني اجيالي يسهر الموق دامها الله لها ستر وحميه

خير وارجالي في ظهر نوق باني الساس والتاريخ حيا
كل الاماني ساقها سوق عاشقً في صباها عشق ميه



لو تفرق بيننا سود الليالي لو يحول الدهر وصروف السنينا
لا حشا منساك لو طال المطالي ف الحشا مطبوع رسمك يالضنينا

انته عمري يالغلى من كل غالي وانت شوقي يامنا قلبي الحزينا
العمر يفداك مع حالي ومالي في هواك يهون كل صعب مهينا

لو جفوني الناس واقرب الاهالي ماستمع قول الحسود الواشينا
حيث قصرك فالحشا شامخ وعالي ساكن ودك بقلبي مستكينا

ياغناتي ياشقا قلبي وحالي يادوايه وبلسم الجرح الدفينا
ياغزال مرتعه روس المفالي ياقمر وضاح في نوره يبينا

عالوفا باقي وعنك هوبسالي لك عهد والعهد عندي مايشينا
لاتظن انساك يالغالي محالي لين روحي والعمر عندي يحينا

لين جسمي يندفن تحت الرمالي وارتحل من دنيتي واصبح دفينا
لك سلامي يالضنا ختم المقالي عد ما نسنس هوا الغربي زفينا




ما دريت اني بحبك مادريت
لين شفتك وانشغل قلبي بحبك
اوماعرفت اني على دربك مشيت
غير لما تاه قلبي وسط دربك
من هويت امن العلالي لك هويت
مثل طير صابتهنيران حربك
لا تعذبني من الود اكتويت
اوما اريد الا اعيش العمر جنبك
من نظرتك اول النظرة ابتليت
اولي بلاني هو ذنبي اهو ذنبك
غصب عني في محبتكم بديت
خذ قلبي وحطني في وسط قلبك
يافريد الحسن مثلك مارايت
اوماخلق شرواك في هالكون ربك
نور ياضي من جبينك لي بديت
والليالي في دياجيها اسفرت بك
ياكبر حظي متى عني رضيت
والسعادة تكتمل عندي بقربك
حالف ما انساه فضلك ما حييت
والحياة ابلا طعم يا غر عقبك




قريت الحب في مقلة عيونك
وعيني فسرت قصد انظراتك
وغضيت انظرات العين دونك
مخافة تكشف النظرة عداتك
اذا شكوا بحبي يزعجونك
وانا ما ود تتعكر صفاتك
خفوقي هام في لجة فتونك
وطبعت المتيم في حلاتك
قمر خمسة عشر لونه ولونك
تشابه بس جذابه شفاتك
اذا تنطق باسمي قلت عونك
اريح القلب نغمات اكلماتك
اشوف العمر ليس العمر دونك
وتحيا الروح من ريح انسماتك
غروب الشمس في عالي جفونك
ولون الورد من لون اوجناتك



تمنيتك اتشوف الجرح الاول
قبل تجرح فؤادي جرح ثاني
غيابك عن عيوني ليه طول
وانا اعد الدقايق والثواني
حبيبي من نظر حالي تهول
ولا ركز علي اترك مكاني
الاول ليه بغيابك اتحول
وقلبك ليه يا عمرى نساني
تجول حبك بقلبي تجول
سري بعروق قلبي وبكياني
علي عهد معاك القلب مول
سنين العمر باخلاص وتفاني
عقب عزه معاك الحظ معاك حول
شكيت الحال من قسوة زماني
الى شفتك ابا اشرحلك من الاول
عن ظروفي وعن خافي حناني
علي شاشة عيوني اللي زول
خيالك ما عطي عيني الظماني
تمنيتك اتشوف الجرح الاول
قبل تجرح فؤادي جرح ثاني




ياعين كف الدمع مني ولـو يـوم
صبري على مر الدهر لو شقاهـا
مترا الدمع ياعين وصلـج الغيـوم
غيـم علـى غيـم يعتـم سناهـا
عييت من شكواك في ساعة النـوم
نوم يشوق ناظـري فـي كراهـا
لو ييت اخفى مابدالـج فـلا رووم
منج تناثـر وابـل الدمـع ماهـا
حتى وبر الصبح نشيـت مغمـوم
انادي على من سبب كـان بلاهـا
بلا من بلاني ف العمر خط مرسوم
رسم مسجل ف الصدر ما محاهـا
أنا بوده صابر فـي الدهـر دووم
دووم على دووم وروحـي فداهـا
هاذيج اوقات مـع الخـل محتـوم
مرت كما برق لمع فـي سماهـا
تركلي من الفرقى شوم على شـوم
كما رسم وسم دمـي فـي دماهـا
طونه خيوط الدهر صـار مبـروم
برم السدي لي وثقه فـي سداهـا
ياعين كفي وافهمي الحظ مقسـوم
جسمه من المولي يبـري براهـا
لابد في الاوقات تنصفج لـو يـوم
وتشفي جروحج قطرة من دواهـا
اداويبها روحي من غيـر مفهـوم
لو كان بشرب حنظل البـر ماهـا
لذيد على جبدي خافـي ومكتـوم
تصفي ولو تدلـخ علـي صفاهـا
عسى الله ياعيني لج الحظ مقسـوم
مع احباب واصحاب يجرب خطاها
هذاك وين النفـس ترتـاح ياقـوم
قوم من الضيفـان يـردوا ثناهـا
ياعالي الخود واسمـك عالـي دوم
واسمك بفعلك معتري فـي نداهـا
عسى الله يجمعنا على خير الوسوم
نفرح بشوفـج مـع جديـد لفاهـا




والله اني احبك رغم كل الظروف
رغم كل المتاعب والاسى والجراح
ما نسيتك دقيقه يا بهي الحروف
يا سمو المعاني يا مليك الملاح
انته زهرة حياتي بالغزال الهنوف
وانته منهج غرامي وانته فال الصباح
يارقيق المشاعر الخجل منك خوف
يا دلال مدلل بين جد ومزاح
القمر من جمالك صار عنه كسوف
من جمالك يغني لك هبوب الرياح
انته عين الحقيق وانته سلس الوصوف
انته نجم الليالي ما ابد يوم طاح
الامل في ايدينك واقعي لو تشوف
اتمنى في قربك غايتي وانشراح
والليالي بدونك اشهد انها تعوف
مالها جبر خاطر مثل كسر الجناح



خلك معي خلي ترا الناس للناس
8888
ضدي ترا ضدي ومعايه معاي
8888
احس بك دايم بانفاس الانفاس
8888
وانته ضيا عيني ومنايه مناي
8888
من علتي انتي شفايه شفاي
8888
لو طال هجرانك فلا باس لاباس
8888
غلطان واستاهل دوايه دواي
8888
السهم من عينك وامواس الامواس
8888
وانا انادي لك دمايه دماي
8888
سمعنك يالموشي وارجاس الارجاس
8888
واللي جرا منك كفايه كفاي
8888
اعلنت وصلك بأفلاس الافلاس
8888
وافكاري انتي بين شايه وشايه
8888
اما تردي لي بأحساس الاحساس
8888
ولا انتفارق والنهايه نهايه
8888
متعود ابدله الألماس بالألماس
8888
مايهم اكسب والهوايه هواي
8888
خدعك حاسد يضرب الراس بالراس
8888
مسكين ادري به ورايه وراي



الله يا وقت مضى وايام مرت وين.. ايام عهد الوفا ويقال يا عونه
ان كنت راضي في طريجك وشفته زين..عسى ان قلبك عند ناس يدارونه

يا ذا المعنا وش خبر طيرك الشاهين.. قنص طيركم ولا بعدكم تربونه؟؟
جانه شرا توق الوحش صار له طلعين.. ما حيد الطلع تم يتخايل اظنونه

ان جان طلعه هوب راكد ترف العين.. يشوف الهدد من البعد غيره يهدونه
لا تهد طيرك وفوق جو السما هنتين..خايف هداده يكسر الحوم من دونه

يا بن خليفه عزوتي يا نظير العين.. نداري وندري اللي بعدهم يدارونه
بالله خبرني وقلي يا كحيل العين.. نفس الفتى في مركز العز مصيونه

يا عاذلي فالهوا ما تنصح المخطين.. قلب المعنى يعرض حد مسنونه
ارا الحق انا لهل الهوا يتبع الجافين.. يغفلون ويصدون عن طالب ديونه

مدري تعمد يا عميلي اذا ناسين.. عن الحق واهل الحق للحق يوفونه
انا اراقب بيانك غبت من حولين.. هل كيف يا سيدي الذي فات تنسونه

وش لي حدث وش صار تمشي على خطين.. تمشي على درب الهوا عكس قانونه
تغنم زمانك واكسبه دام وقتك زين.. ترا العمر يفنى مثل زرعن يحشونه

تسعد وتهنى بالمحبه مع الغالين.. تهنى بخل سابق الوقت من دونه


طير الحمامي
هيج غرامي
هايم هيامي
و الشووق غلاّب

هزّعت فني
يا طير مني
و لا كان ظني
تطريلي احباب

ذكرتني به
لي اعتنيبه
حب و حبيبه
و الشووق جذاب

ولف ٍايحبه
قلبي و لبه
و يذوب صبه
كالشمع لي ذاب

ادعج خدلجّ
و امدملج ادلج
واغنج وابلج
شمس ٍ عالغياب
و خشم ٍ اتّورد
سيف ٍ امـّهند
و خدٍ امـّورد
جوري وعنّاب


ليته درابي
و عانا صوابي
انا المصابي
في دنيت اغراب

عايش ابدنيا
فيها و هنيا
مالذ هنيا
فيها ولا طاب

طير الحمامي
هيج غرامي
هايم هيامي
و الشووق غلاّب







اضافة رد مع اقتباس نص هذه المشاركة

 سيرفر صحاري الإمارات 


  #2  
قديمة 04-01-2007, 08:11 AM
صورة 'بنــ بوظبي ـوتة' الرمزية
بنــ بوظبي ـوتة بنــ بوظبي ـوتة غير متواجد حاليآ بالمنتدى
مديرة الموقع
 
تاريخ الإنضمام: 25-04-2005
الإقامة: بُـٍَـٍُ( دَاِرُِ اَّلِظًبِيًٍ )ـوُظَبَِيًٍََُ
العمر: 26
المشاركات: 11,166
قوة السمعة: 100
بنــ بوظبي ـوتة has a brilliant futureبنــ بوظبي ـوتة has a brilliant futureبنــ بوظبي ـوتة has a brilliant futureبنــ بوظبي ـوتة has a brilliant futureبنــ بوظبي ـوتة has a brilliant futureبنــ بوظبي ـوتة has a brilliant futureبنــ بوظبي ـوتة has a brilliant futureبنــ بوظبي ـوتة has a brilliant futureبنــ بوظبي ـوتة has a brilliant futureبنــ بوظبي ـوتة has a brilliant futureبنــ بوظبي ـوتة has a brilliant future
افتراضي

والسبب ما بي من الشوق المثير
هام قلبي في هواكـم وانجبـر
صدقوني كيف اسلا ما يصيـر
يا حبيبي من مصابي في خطر
وارحم اللي صار في حبك أسير




تسلمين عيوني ع هالكلمات ..


والسموحة منج بنقل الموضوع ..




اضافة رد مع اقتباس نص هذه المشاركة

  #3  
قديمة 10-01-2007, 06:20 PM
صورة 'محد شراتي' الرمزية
محد شراتي محد شراتي غير متواجد حاليآ بالمنتدى
مصممة محترفة ومحد شراتها يصمم^_^
 
تاريخ الإنضمام: 23-12-2006
العمر: 27
المشاركات: 989
قوة السمعة: 21318
محد شراتي has a reputation beyond reputeمحد شراتي has a reputation beyond reputeمحد شراتي has a reputation beyond reputeمحد شراتي has a reputation beyond reputeمحد شراتي has a reputation beyond reputeمحد شراتي has a reputation beyond reputeمحد شراتي has a reputation beyond reputeمحد شراتي has a reputation beyond reputeمحد شراتي has a reputation beyond reputeمحد شراتي has a reputation beyond reputeمحد شراتي has a reputation beyond repute
افتراضي

تسلمييييييييييييييييييييييييييييييييين حبيبتي


يعطيييييييييييج الف عاااااااااااافيه ومت قصرتي


عساااااااااااااااااااااااااااج على قووووووووووووووه


ابدعتي يا الغاليه




اضافة رد مع اقتباس نص هذه المشاركة

  #4  
قديمة 16-01-2007, 03:32 PM
بنت البدو بنت البدو غير متواجد حاليآ بالمنتدى
عضو فضي
 
تاريخ الإنضمام: 21-06-2006
المشاركات: 550
قوة السمعة: 17134
بنت البدو has a reputation beyond reputeبنت البدو has a reputation beyond reputeبنت البدو has a reputation beyond reputeبنت البدو has a reputation beyond reputeبنت البدو has a reputation beyond reputeبنت البدو has a reputation beyond reputeبنت البدو has a reputation beyond reputeبنت البدو has a reputation beyond reputeبنت البدو has a reputation beyond reputeبنت البدو has a reputation beyond reputeبنت البدو has a reputation beyond repute
افتراضي

والسبب ما بي من الشوق المثير
هام قلبي في هواكـم وانجبـر
صدقوني كيف اسلا ما يصيـر
يا حبيبي من مصابي في خطر
وارحم اللي صار في حبك أسير



تسلمين عيوني ع هالكلمات ..



والسموحة منج بنقل الموضوع ..



عادي انقليه مسمووووووووووحه


يسلموووو ع المرور
اضافة رد مع اقتباس نص هذه المشاركة
اضافة رد

العلامات المرجعية


الأعضاء النشطين حاليآ الذين يشاهدون هذا الموضوع : 1 (0 عضو و 1 ضيف)
 
أدوات الموضوع

ضوابط المشاركة
لا يمكنك اضافة مواضيع جديدة
لا يمكنك اضافة مشاركات
لا يمكنك اضافة مرفقات
لا يمكنك تعديل مشاركاتك

رمز [IMG] : متاحة
رمز HTML : معطّلة

الانتقال السريع


الساعة معتمدة بتوقيت جرينتش +4 . الساعة الآن : 05:49 PM

RSS RSS 2.0 XML MAP HTML

 

Google  Yahoo

Microsoft | kaspersky | Explorer | Firefox | Adobe


تطوير إبن الصحــــراء Copyright © uaedeserts.com

Powered by vBulletin® Version 3.8.4
Copyright ©2000 - 2014,Jelsoft Enterprises Ltd.
Developed By : www.uaedeserts.com
Copyright © 2003 - 2014